鮨玥 (已結業)

同男朋友意外發現依間餐廳之後，非常鐘意佢地既玉子，耐唔耐都會去，試過一星期可以去3次，每次去都快食快走...今日又再去，一入門口侍應問可唔可以7點半前交檯，果時6點09分，我地當然無問題啦！全間店果時得中間位置一張檯有客，佢地安排我地坐半邊有沙發既2人檯，咁我男友都想坐沙發，就2個人都坐沙發果邊，然後侍應話要同隔離檯有1米距離，但我地左右2邊都無客... 咁我男朋友就問右邊張卡位檯幾時會有booking, 佢話7點，咁我男朋友話7點前我地會走... 咁唔撞到有人就ok 啦！我地快快手嗌平時食開果d, 黎左幾碟壽司之後，無耐6:20就有一家人入黎，侍應安排佢地坐我地右手邊卡位，我覺得真係好奇怪！第一全餐廳3個4人卡位同2張4人檯都無人坐，佢偏偏要安排係我地右邊卡位，而我地一開始就問隔離卡位幾點有人，佢地同我地講7點，我唔覺得有人會早到成大半個鐘到...第二，就算係...佢地都可以安排佢地坐另外其他卡位，我唔信訂位既人一早指定左要坐邊個位，加上果時我地都食到一半，其實好明顯我地好快食完走得，都唔等得果幾個字...最後我地6點35分走人，講真食左咁多次，我地次次都快點快食快走，唔會阻人做生意