風信子甜品 (已結業)

今日同中學老師&同學飯聚, 飯後老師提議去呢間風信子食甜品, 所以就去試. 叫左一客雪糕楊枝金露, 一客雜果涼粉, 一客芒果荳腐花, 一客西瓜荳腐花, 一客心太軟加雪糕, 仲有一客招牌香蕉西米布甸.坦白講, 荳腐花麻麻, 一d都唔滑, 感覺好實, 雜果涼粉一般, 雜果切得唔係好靚. 不過雪糕楊枝金露就幾好味. 兩款招牌甜品 - 心太軟加雪糕,同埋香蕉西米布甸都幾好味~ 心太軟夠脆, 朱古力味都好濃, 鍾意黑朱古力既人應該會好喜歡~ 配清新既綠茶雪糕真係好好味. 香蕉西米布甸有好香既香蕉味, 係真香蕉個隻, 一d都唔假, 加埋西米, 好有口感~值得一提係裝修幾靚, 以紫色為主調, 感覺都幾寬敞. 而且服務真係一流