麻布茶房 (已結業)

今晚係將軍澳睇華仔新戲<拆彈專家>, 7:25開場，7點先趕到將軍澳，用僅餘的二十五分鐘去麻布茶房食個quick dinner.朋友叫左個茶房風拉麵，而我叫左辛味炸醬肉拉麵。等左十分鐘都未上菜，於是叫侍應幫忙追快D，果然隔不夠半分鐘麵就送到，賣相都唔錯，茶房風拉麵係醬油湯底，有日式叉燒、筍，波菜同紫菜。而辛味炸醬肉拉麵湯底橙色，睇落好似好辣，但實質一D都唔辣，反而好咸，而且配料只有少少肉碎，波菜，芽菜及筍，唔抵食。不過以晚餐來講價錢已不算貴，而且服務也不錯。