餐廳環境幾舒服，枱與枱之間都好寬敞，坐得幾舒服。打開Menu，發現選擇唔多，有四種海鮮丼可以揀。海鮮丼嘅命名都好特別，分別：「梅、竹、松、特上」°
我哋兩個人都係叫咗「梅 」$108@1,另外帶咗兩隻牡丹蝦$98。
海鮮丼份量好多。（具體魚生種類請看相片）佢用個竹嘅器皿裝住，成座山咁高。佢有三個步驟去品嚐。第一，就係就咁食海鮮丼。第二，可以用紫菜包手卷食。最尾剩返大概三分之一嘅飯，就可以叫店員加湯，食茶漬飯。因為我哋叫咗牡丹蝦嘅緣故，所以可以拎蝦頭俾師傅燒，再浸落啲湯度，令到個飯更加鮮味。不過，個人覺得牡丹蝦嘅size 就比較細。
總結來講，呢間餐廳都可以值得再一試！
