風月堂 (已結業)

哈哈，咁又搞掂今個月o既presentation啦，開心!!! >v< 完左後，點可以唔請自己食返餐好o既呢？不過o係葵芳，餐廳選擇唔太多，o係新都會行左一陣，最後揀左睇落環境最靚o既風月堂~ (其實以前有間法國菜環境最靚，不過執左...)　Lunch-time去到，都幾多人，要等位~ 好彩係好free o既星期五，咁就慢慢等~ 侍應俾左個靚位我，good~ 午餐有六款選擇，由於心情靚，款款睇落都幾吸引；最後要左西京銀鱈魚南瓜便當set~ 要得日式set，無理由唔跟麵鼓湯；心情好o既我，連平日唔鍾意o既Miso都覺得好味~ 便當o既銀鱈魚&南瓜就更加美味(呢個冇bias，係真係好食)，味道幾rich有fusion feel，唔止係日式感覺~ 想飲凍飲，so飲品要左Iced Tea，都okay；其實無preference o既話，要熱飲會仲正；正o既意思係container別緻~ 最後仲有一小球Ice cream，滿足哂啦~ 　** 不過lunchtime人多，侍應會好忙，落單/埋單都要等頗耐...至於態度就唔錯~ ** 另外主菜size其實偏細，男仔會爭d~