影片
更多
2018-12-12
665 浏览
踏入十二月，相信好多人都已經急不及待，開始約朋友出嚟一聚，預祝聖誕。筆者當然也不例外，上星期同咗個死黨去銅鑼灣食意大利菜，而今晚就約咗班好姊妹嚟蘭桂坊「Nunu 燒」。原來呢間餐廳地方唔大，店面只有十幾個座位，雖然感覺有點逼狹，但就多咗份親切感。先細看餐牌，餐廳以串燒同燒物為主打，另外亦有十幾款丼飯同小食等供應，選擇都算豐富。除此之後，餐廳更備有三款飲品 (包括玄米茶、柚子茶同生薑茶) 免費供客人飲用，十分慷慨。先嚟一客龍蝦沙律 ($80) 打開胃口，初頭驟眼睇仲以為係薯仔沙律，但原來裡面藏住超多粒爽口彈牙的龍蝦肉，加上粒粒蟹籽，嚐起來脆卜卜，口感很有趣！串燒係餐廳嘅主打，當然唔可以錯過。牛舌 ($110/2本) 一客有兩串，廚師採用咗高溫烹調嘅方法去炮製，鎖住肉汁，所以咬落勁 Juicy，加上夠厚身，香口又彈牙。軟骨雞棒 ($80/2本)，呢兩客軟骨雞棒亦非常之正，廚師先將雞肉和雞軟骨攪碎，搓成棒狀，再淋上用雞骨熬成的醬汁，每咬一口都有脆脆的嚼感，蘸蛋汁來吃，更加滑溜，滋味一流。呢款係火焰芝士燒龍蝦尾 (波士頓) ($280/1枚)，隻龍蝦尾望落去應該有成 5、6 吋長，很有肉感。
踏入十二月，相信好多人都已經急不及待，開始約朋友出嚟一聚，預祝聖誕。筆者當然也不例外，上星期同咗個死黨去銅鑼灣食意大利菜，而今晚就約咗班好姊妹嚟蘭桂坊「Nunu 燒」。
原來呢間餐廳地方唔大，店面只有十幾個座位，雖然感覺有點逼狹，但就多咗份親切感。
先細看餐牌，餐廳以串燒同燒物為主打，另外亦有十幾款丼飯同小食等供應，選擇都算豐富。除此之後，餐廳更備有三款飲品 (包括玄米茶、柚子茶同生薑茶) 免費供客人飲用，十分慷慨。
先嚟一客龍蝦沙律 ($80) 打開胃口，初頭驟眼睇仲以為係薯仔沙律，但原來裡面藏住超多粒爽口彈牙的龍蝦肉，加上粒粒蟹籽，嚐起來脆卜卜，口感很有趣！
串燒係餐廳嘅主打，當然唔可以錯過。牛舌 ($110/2本) 一客有兩串，廚師採用咗高溫烹調嘅方法去炮製，鎖住肉汁，所以咬落勁 Juicy，加上夠厚身，香口又彈牙。
軟骨雞棒 ($80/2本)，呢兩客軟骨雞棒亦非常之正，廚師先將雞肉和雞軟骨攪碎，搓成棒狀，再淋上用雞骨熬成的醬汁，每咬一口都有脆脆的嚼感，蘸蛋汁來吃，更加滑溜，滋味一流。
呢款係火焰芝士燒龍蝦尾 (波士頓) ($280/1枚)，隻龍蝦尾望落去應該有成 5、6 吋長，很有肉感。入面的龍蝦肉非常肥美，肉質充滿彈性，燒香後肉汁依然豐富，面頭附有一塊牛油，塗在龍蝦肉上吃，入口既有龍蝦的鮮甜又帶有芝士同牛油香，惹味非常。
食完串燒同燒物，壓軸就輪到試下餐廳的丼飯，鰻魚係我同 C 嘅至愛，識食就梗係揀原條喇。蒲燒鰻魚飯 ($210/原條)，鰻魚油潤亮麗，上桌時已切成大塊，用竹籤串起，並且傳來陣陣香氣，實在叫人胃口大開。急不及待試一口，鰻魚燒得既焦香又軟腍、入口即溶，再配上秋田小町米，飯粒口感軟糯，實在是絕配。總結，店裡的串燒定價不算便宜，但用料上承，加上餐廳有九成食材都係來自日本，所以亦物有所值。
张贴
