影片
更多
2010-08-29
51 浏览
27-8-2010終於熬過了好啃的一個星期, 星期五 lunch 決定食好一點, 嚟到蘭桂坊頂的呢度試試. 1:15pm 剛好「攝」到位, 不過店員們見我只一條友前來, 幾愕然 幾款 executive set lunches (starter + main + coffee/tea; 另可加錢要 dessert) 的主菜都係肉類, 不過胃口一般, 還是簡簡單單食 pasta 好了.先嚟一板 welcoming bread: 份量大到咁 賣相絕對 "honey glazed", 拎上手熱辣辣的, 食落帶少少甜, 不過唔算好軟熟; 旁邊的 herb butter 就絕對 fresh from the fridge, 冰凍硬實,「片」得吃力, 終於「將冰山劈開」後, 亦只「片」出碎濕濕乾爭爭的 "flakes", 真係 Starter 要了 smoked salmon, green apple & fennel salad: fennel seeds 食得多, 新鮮的都係第一次... 呢碟的 shave 到一條條, 食落味淡卻清爽, 感覺似足「走辛辣」版生洋蔥, 哈哈 青蘋
終於熬過了好啃的一個星期, 星期五 lunch 決定食好一點, 嚟到蘭桂坊頂的呢度試試. 1:15pm 剛好「攝」到位, 不過店員們見我只一條友前來, 幾愕然
幾款 executive set lunches (starter + main + coffee/tea; 另可加錢要 dessert) 的主菜都係肉類, 不過胃口一般, 還是簡簡單單食 pasta 好了.
先嚟一板 welcoming bread: 份量大到咁 賣相絕對 "honey glazed", 拎上手熱辣辣的, 食落帶少少甜, 不過唔算好軟熟; 旁邊的 herb butter 就絕對 fresh from the fridge, 冰凍硬實,「片」得吃力, 終於「將冰山劈開」後, 亦只「片」出碎濕濕乾爭爭的 "flakes", 真係
Starter 要了 smoked salmon, green apple & fennel salad: fennel seeds 食得多, 新鮮的都係第一次... 呢碟的 shave 到一條條, 食落味淡卻清爽, 感覺似足「走辛辣」版生洋蔥, 哈哈 青蘋果預期中的酸爽; smoked salmon 就幾鹹吓; 仲有脆卜卜的一條條疑似 crispy wonton strips, 諗起食蛇羹落的「薄脆」, 哈哈 夾埋 rocket leaves 及 vinaigrette, 加加埋埋清新開胃至極, 好好食的一個 salad.
主食要了 capellini with crab meat and escargots in tomato sauce (set lunch 價 $98)... tomato sauce 味道新鮮酸香, 不過份量唔夠, 唔係條條 capellini 都「掛汁」, 食落有咬口但有少少乾; escargots 份量多, 食落預期中的無乜味 (係急凍貨色吧?), 不過起碼唔韌, 算啦; crab meat 係「凌亂散落」的罐頭蟹肉, 份量多亦夠味, 整體都 ok 吧.
最後來杯熱咖啡, 聞落香, 齋飲好濃亦好苦, 落熱奶落糖後較易入口, 不過仍然啃得很,「心跳」了成個下午 旁邊一塊內藏 almonds 碎的牛油 cookie 反而好好食, 牛油味香濃又唔膩, 質地鬆化到呢, 絕對可以獨立拎出街賣, 正
食物 ok, 配套亦不錯, 2 樓環境亦舒服好坐, 店員們亦有禮貌又 efficient, 印象不錯的.
連加一埋單約 $110, 可以一試; 不過據聞灣仔店仲好坐, 再來的話應該都唔會返嚟蘭桂坊了.
张贴
