The Point - Pizza & Pasta (MegaBox) (已結業)

同朋友去MegaBox食飯，一班人想食西餐見有pizza就入咗去。軟殼蟹Pizza呢個係廚師推介，軟殼蟹炸得火候剛好，表面金黃，咬落肉質鮮美。pizza係薄批，表面芝士香濃，配合其他海鮮配料，真心高質。蜆肉闊條麵有好多蜆肉，個汁調味香濃，闊條麵質感做得好好，食落好滑又夠軟身。大蝦青醬意粉個蝦好新鮮，青汁調得好到位，唔會好鹹，意粉香滑，欣賞佢面頭加咗啲松子，令成道菜層次提升左。甜品表面雪糕好大，vanilla 味香濃而且香滑, 香桃好大但唔會好甜，個批嘅朱古力醬好有榛子味，所有野加埋個批覺得啱啱好，口感豐富又唔會好heavy。