瘋鳥 (已結業)

其實長沙灣喺任何一個角落都咁多好嘢食，做嘢做到攰，俾我哋搵到呢間寧靜又有格調嘅Cafe。好，坐低睇吓有咩好食先。橙汁麻香鴨胸意大利粉，爽滑彈牙嘅意粉，帶有淡淡香橙味，醬汁啱啱好掛滿意粉，一啲都唔漏仲有幾塊大鴨胸，味道啱啱好。古早章魚燒pizza，薄底pizza邊脆唔會硬，豐富餡料好有大阪燒感覺，章魚粒配上沙律醬，食完一塊又一塊。櫻花荔枝茶，香甜荔枝味帶少少花香，飲落好爽。宇治抹茶麻薯窩夫，首先個cream打得好幼滑，配埋士多啤梨醬同士多啤梨雪糕，食落唔會膩，窩夫外脆內軟，裏面嘅抹茶麻薯煙煙韌韌。