Jacomax (已結業)

之前系上灣分店食過覺得幾好食，呢日中午就嚟左lunch, 原來宜家轉左任食形式，有幾張紙任叫任食，有小食、pasta、pizza同沙律，選擇唔太多但食落好足夠！沙律好fresh夠哂健康！香口既蒜蓉包！雞翼外層有啲脆內裏好juicy!薯角更加令人驚喜，熱辣辣新鮮炸起，非常脆口，裏面軟綿綿，加埋辣辣地既調味粉，好惹味！另外要左香辣煙肉意粉，醬汁茄味極濃，但唔夠辣，辣啲就更好！Pizza 方面要左意大利火腿白菌pizza，薄薄既pizza邊位脆脆，中心部分軟綿，上面鋪滿mozzarella 火腿同白菌，香噴噴到不得了，高水準！飲品方面較特別既有泰國梳打，邊飲梳打邊食pizza，簡直系人生一大樂事！