PizzaExpress (百合苑商場)

营业中

休息中

好耐無去餐廳食pizza，平時都係買外賣或者自己焗，是晚朋友約出黎傾下野，佢揀左去Pizza Express。餐牌實在太多野想食，一口氣點左好多添🤤⭐焗麵包球先來份麵包球，看似平凡但非常好食😆麵包鬆軟帶香味，熱辣辣軟綿綿再塗上半瀜牛油，好食到一球接一球食唔停。⭐雞肉凱撒沙律羅馬生菜、芝士片、煙肉、麵包糠再配上凱撒沙律醬，清新爽脆又開胃，雞肉雖然係雞胸肉但一啲都唔鞋口，好食。⭐蒜香蜆肉扁意粉再黎有扁意粉，好香橄欖油味啊，扁意粉有嚼勁，仲吸收咗蜆肉嘅鮮味添，加上用左辣椒炒，微微辣好惹味。⭐意式肉迷薄餅最後係主角pizza，叫左meat lover口味，貪佢配料多夠豐富。勁多豬面肉同豬肉丸，仲有青蔥、羅勒、鼠尾草增加香味，醬汁竟然係用雅枝竹調成，香甜清新，仲有大量芝士簡直係無敵好味，食食下仲食到有啲嘢硬硬哋，原來係合桃，多咗啲堅果香，出奇地同薄餅夾喎🤤超正，食完今餐都即刻諗緊再黎食。⭐柚子檸檬梳打 & ⭐石榴梳打特飲餐廳冇水供應，要加12蚊先有有汽水無限飲，咁好似叫特飲抵啲喎，叫咗一杯柚子一杯石榴梳打，冰冰涼涼清新舒爽，食左咁多濃味野正好去膩。叫得太多食唔晒添，哈哈，六百幾蚊抵食啦。