碧士文 (Sugar+) (已結業)

行過糖街見到有間好特別既餐廳新開張，細心睇原來係以特工做主題既餐廳，跟住就即刻同朋友入去試下。入到去座位數量唔算多，只得一張長枱，餐廳主要以外賣為主，但店內既裝修真係好值得大家去睇下。001 招牌威士忌BBQ豬扒飯 $63威士忌酒味唔會太濃，而且個醬汁食落甜甜地，豬扒亦都好鬆軟，一咬就分開，唔會太硬同痴牙。006 芝士蘋果焗豬扒飯006豬扒飯係焗飯配炒飯底，食落有另一份既香味，配上一片片薄薄既蘋果，食落唔會太膩，我地再加咗一隻太陽蛋（+$10）金手指(豬扒薯條) $35金手指即係炸豬扒，將豬扒切成一條條幼長既形狀，再將豬扒炸熟，配上秘製醬汁，食落鬆軟可口，唔會有油，亦都唔熱氣。