NINETYs (皇后大道東) (已結業)

自從係網上見到呢間咖啡店嘅介紹之後，我就一直念念不忘，因為佢有黑毛豬义燒！ 今日我終於試到聞名已久嘅Piggy 🐖Piggy 🐖黑毛豬义燒漢堡 🍔喇！真係超超超好味， 义燒厚切兼半肥瘦， 入味之餘，肥嘅部份仲好爽口😋，咬落一啲都唔油膩，而且佢地仲特別地配上青蘋果🍏片同羽衣甘藍，青蘋果🍏片嘅酸甜味同豬肉真心好匹配👍，不枉我地係烈日當空嘅大熱天排左半個多小時！提起排隊，因為店面其實好細，所以午飯時間一般都要排隊，加上店家唔會趕人，所以幫趁嘅客人可以舒適地享受食物，但等緊嘅人就要有耐心喇😜🤭。不過店家都好貼心， 會遞上傘子之餘又會奉上冰水俾你解暑👍。話明佢係咖啡店，好啡嘅我就一定唔會錯過啦😏。佢沿用澳洲特式，咖啡分黑同白， 我就點了白嘅latte, 豆方面就選了較fruity嘅味道，因為會跟啖啖肉嘅Piggy 🐖 Piggy 🐖 比較搭😁。另有一段小插曲，就係食食下店員唔小心打翻左隔離枱點嘅咖啡😱，弄髒了朋友的裙子， 仲要係淺色架😔，好彩即時洗得乾淨啫， 唔係都幾慘！不過承蒙朋友嘅犧牲，我地就得到free coffee ☕咯 🤭。