影片
更多
2021-08-24
64 浏览
將軍澳不嬲都係連鎖店世界，想搵啲細鋪頭仔食下都無。自從海濱餐廳多左後，先叫多啲選擇。去完donki就夠鐘食飯，附近一帶都有唔少餐廳，呢間餐廳外表好歐美，重點係門口有好多主人同寵物。一望，見到啲寵物美容價錢牌，再睇真啲，先知係間有寵物美容，又pet friendly嘅餐廳。狗仔除左有野食，連野飲都有。😂入到去見到分左兩個區域，一個係可以比寵物一齊食飯嘅public area，仲有另一個係寵物不得內進嘅area。呢個寵物不得內進嘅空間裝修好靚，只好放棄同狗仔一齊坐，隔住玻璃望下出面既狗仔。一坐低覺得好唔香港，好似拍MV嘅場景！野食選擇同裝修一樣咁歐美，主要有pasta、burger、waffle呢啲。🍴Buffalo wings雙眼見到blue cheese而發光，一客有6件，雞翼炸過，外邊再裹左層醬汁，入口帶酸，其後有啲辣同甜，比起坊間嘅buffalo wings，呢個算好食。但有一兩隻雞翼既近骨位有少少生，如果可以，再炸耐少少好啲。Blue cheese醬食落反而似千島醬。除左buffalo hot，仲可以揀BBQ、honey mustard或者chipotle ranch。🍴Texa
去完donki就夠鐘食飯，附近一帶都有唔少餐廳，呢間餐廳外表好歐美，重點係門口有好多主人同寵物。一望，見到啲寵物美容價錢牌，再睇真啲，先知係間有寵物美容，又pet friendly嘅餐廳。狗仔除左有野食，連野飲都有。😂
入到去見到分左兩個區域，一個係可以比寵物一齊食飯嘅public area，仲有另一個係寵物不得內進嘅area。呢個寵物不得內進嘅空間裝修好靚，只好放棄同狗仔一齊坐，隔住玻璃望下出面既狗仔。一坐低覺得好唔香港，好似拍MV嘅場景！
野食選擇同裝修一樣咁歐美，主要有pasta、burger、waffle呢啲。
🍴Buffalo wings
雙眼見到blue cheese而發光，一客有6件，雞翼炸過，外邊再裹左層醬汁，入口帶酸，其後有啲辣同甜，比起坊間嘅buffalo wings，呢個算好食。但有一兩隻雞翼既近骨位有少少生，如果可以，再炸耐少少好啲。Blue cheese醬食落反而似千島醬。除左buffalo hot，仲可以揀BBQ、honey mustard或者chipotle ranch。
🍴Texas burger
睇相好吸引，實物同相片都相乎，還原道幾高。Burger除左牛，仲有煙肉、炸洋蔥、芝士、jalapeno，咬落好豐富同滿足。牛漢堡唔會乾爭爭，仲有肉汁。
估唔到係薯條好好食！岩岩炸起，唔點汁都好好食。
🍴Roasted lemon pepper chicken＋Mixed salad
半隻燒雞，配左gravy薯蓉，另外加左$28要沙律。燒雞比想像中淡，而且無配醬汁，食落有啲dry。薯蓉幼滑，仲有啲菜。成件事係幾健康，如果個雞醃得再入味啲就好了。
加錢既mix salad有驚喜，份量比想像多，沙律菜款式多，又幾新鮮，食左咁多肉，食到呢個salad，心理平衡左。
🥄Chocolate walnut brownie
焗暖左既brownie，上面放左球雪糕同cream。
Brownie有好多合桃，唔會太甜，連埋雪糕食，有冰火感！好滿足哦❤️食得落既記得order，慰藉下放工既心靈。
Btw佢啲碟都係我杯茶，影起黎好靚(啲碟上菜時仲係熱既)。不過估係怕打爛杯碟，如果坐出面(有寵物的area)會改用即棄餐具，影起黎就無咁靚。
如果你有寵物，想黎個寵物界gathering，絕對可以揀佢。如果你想打卡，都OK，影起黎真係幾靚。
张贴
