阿木台灣麵 (廣華街) (已結業)

好想😆好想😆😆好想😆😆😆好想食魯肉飯，所以專登黎咗阿木台灣麵食。————————————————————舔舔脷指數 : 🐽🐽🐽🐽🐽🐽🐽 7/10抵食指數:🐽🐽🐽🐽🐽🐽🐽 7/10————————————————————魯肉飯（$35）啲魯肉半肥瘦，滷到入曬味，加埋啲肉燥同帶少少豬油嘅滷水汁，同場仲有隻魯蛋，好好味🤤🤤🤤。如果再多啲魯肉可以啖啖魯肉加飯就perfect。鹽酥雞🐔（$38）味道唔錯，可以自己再加多啲鹽酥雞嘅粉，炸皮可以再薄啲，啲雞食落有啲鞋。紅燒牛肉牛筋麵（$69）以台灣麵做名嘅台灣料理店，都幾期待佢個牛肉麵。麵條係算少少幼身，偏淋唔夠煙韌彈牙。牛筋幾好，牛肉普通夠淋，個湯底牛肉味食得出冇咩味精但係味道可以再濃啲。芝士肉鬆蛋餅（$42）太多肉鬆搶曬啲味，落少啲肉鬆應該會幾好食。芝士奶蓋炭燒烏龍（跟餐半價）（$19）芝士可以濃啲，層奶蓋似係淨係得淡忌廉味，茶底ok。整體唔錯。