Paths Koffee & Rest Stop (已結業)

喜歡寧靜環境又想坐得闊落，呢間Café應該幾適合你~以輕食和飲品為主，店員親切友善，餐具調味料等則採用自助形式。此外，更可以半價選配正價飲品，叫左沙冰、熱Latte各一杯。《意式肉醬厚多士 $52》免治牛肉、意式腌製豬腩肉、蛋黃、Mozzarella、Cheddar本來有些少抗拒呢個組合，本身唔算太中意肉醬意粉，但見到係配搭厚多士又心思思想試。用上免治牛肉及意式腌製豬腩肉，雙重咸香，肉醬份量好多，加埋兩款Cheese，同埋半熟流心蛋，成個味道係幾豐富。《蛋梳乎厘腌豬肉厚多士 $52》意式腌製豬腩肉、雞蛋、Mozzarella、Cheddar賣相係幾得意，將蛋白做成雲朵似的形狀，中間有一隻半熟流心蛋。厚多士烘得香脆，意式腌製豬腩肉份量偏少，咸香味唔夠突出，就算有兩款Cheese，整體味道略嫌單調。《朱古力窩夫配草莓雪糕 $62》朱古力窩夫、藍莓、朱古力餅、草莓雪糕窩夫反而比厚多士好食，口感挺身，外脆内軟，加埋朱古力餅，令到朱古力味更加濃郁，仲有Fruity既藍莓同草莓雪糕，有種清涼感。