ZECOND

营业中

休息中

小店位於灣仔汕頭街，地理位置方便，簡約白色裝潢，令人感覺舒適同悠閒。若有寵物亦可選擇坐出面嘅細枱。Tasting Menu按人頭計算，相比起單點更加抵食，包含1前菜+ 1薄餅/意麵 + 1 甜品。前菜為雜莓橙柳合桃沙律，適合素食人士，蔬菜新鮮，夾埋士多啤梨、橙、合桃同蜜糖芥茉醬，好健康。冬蔭汁藍青口鍋，用鍋仔上，有儀式感，冬陰功味微辣，仲有少少椰子味，青口大粒新，點埋脆脆麵包都唔錯。主食有辣肉腸意粉，麵條偏軟身，醬汁夠多，上面仲有火腿，鹹鹹香香完全唔膩。瑪格麗塔薄餅比想像中大份，水牛奶芝士味道出，皮身薄，咬落酥脆，熱辣辣辣好好味。甜點為檸檬批同咖啡焦糖布丁，前者酸甜，後者滑溜，各有千秋。