到會熱點 (非門市)

营业中

休息中

一班人開Party，有大有細，最好就係叫到會，今次試左呢間到會熱點 Fever Food，我地7大4細，叫左套餐A，$904，喺近80款野食入面揀8款。我地揀左👇柚子蜜桃煙鴨胸沙律，沙律菜新鮮，柚子粒清新，鴨胸柔嫩多汁。泰式酸辣無骨鳳爪，呢個好搶手，鳳爪彈牙，個酸辣汁調得唔錯，好開胃。招牌炭燒雞肉串，果然係招牌，大人細路都❤️。生炸蜜糖芥末雞槌同韓式柚子炸雞配甜辣雞醬，雞肉多汁，配埋各個口味既醬汁，食唔停口。即燒菠蘿梳打BBQ 美國豬仔骨，大大件，同出面餐廳食到既，分別唔大。叫左兩個主食黑松露野菌蟹肉燴長通粉配西班牙火腿同意式香草芝士肉醬意大利粉，出色，好少主食清得哂。鐘意呢間既到會，送到我手既時間仲熱到辣手🔥食物質素又唔錯。