Gram Cafe & Pancakes (已結業)

一路都想去試下。今次去完，完全唔會再去。一間餐廳竟然供應咁嘅嘢比人食，直頭可以去政府部門告佢我地兩個人叫咗一個tiramisu pancake 同一個雜果pancake。等唔夠十分鐘就有得食。仲覺得幾快喎。點知。。啲pancake係未熟！注意係未熟！！！仲食到有麵粉味，濕濕實實，成口粉又痴住咁！我初初以為我朋友見識少食唔慣或者佢唔好彩。點知我果個都係咁。我仔細切開研究下，明顯見到唔熟唔怪得十分鐘唔駛價錢唔係問題，但我地一半都食唔到，真係好晒嘢。唔熟難食真係擺唔到落口。注意我地係無食dinner去食，係餓到爆的。最後佢食雜果，我食朱古力同吉士cream。埋單後去咗附近篤街邊檔醫肚。仲有，勁錯單。佢落錯咗，重問咗我四次叫乜。隔離兩枱都錯，石板街同tiramisu 撈亂晒我聽到隔離枱話，對pancake完全失望。我好想講，幸x pancake好好食架！連麥記熱香餅都好食！我寧願佢比江蘇餅我食都無咁嬲，起碼食得落同飽肚！