Pancake House HoiHoi (Megabox) (已結業)

星期六放假去左九龍灣Megabox行街，下午茶時間見到呢間HoiHoi Pancake House大排長龍，原來係日式梳乎厘pancake店，一於試下先。店舖環境寬敞舒適，整潔企理，裝潢簡約。除梳乎厘pancake同夏威夷pancake外，仲有主食如漢堡包、日式丼飯、定食等選擇。目玉燒梳乎厘班戟全新推出產品，打卡必選!造型賣相超吸引，以鐵盤盛載，面頭滑溜蛋黃係特製吉士，淋上厚厚Cream Cheese，pancake口感鬆軟香滑，蛋味濃厚，獨特空氣感輕盈軟腍，充滿牛油香!士多啤梨梳乎厘班戟賣相吸引，滿佈心型士多啤梨片，好有心思!pancake蛋香滿溢，軟滑如雲朵，配以輕盈忌廉、淋上糖漿，甜而不膩，空氣感十足，入口即化，口感一流!冬日特飲有幾款，好友揀左：愛爾蘭忌廉泡沫咖啡 (凍)不含酒精，飲落咖啡味香濃唔會酸澀，面頭有軟綿幼滑忌廉，另灑上爆炸糖好有驚喜。滴漏咖啡咖啡味醇厚濃郁，層次豐富，口感馥郁。