六小館 (已結業)

每隔一段時間都會約埋best friend去東涌outlet shopping執平野，每次都要行足一整日，今日都唔例外，兩個c奶仔買到一袋二袋，不經不覺已經到咗晚飯時間，一於搵埋食先番歸，行過見到六樓尼間新開嘅六小館，有小菜二人餐只係二百多元，就試吓啦門面好grand，好高級嘅感覺內在環境整潔開揚，落地玻璃望到海景，裝潢懷舊有特色，座位舒適，相當不錯我地揀左個二人餐，有老火湯，兩個小菜，一款小食，三百蚊有找，好抵食飲番啖菊花茶潤下喉先野葛菜湯，好香濃，調味剛剛好，下火一流，正小食點左炒什菌，估唔到咁大碟，熱辣辣香噴噴，非常惹味，推薦咕嚕肉，色彩繽紛，令人好開胃，無骨啖啖肉，調味剛好，不會嗆喉，有水準粟米班塊，金黃色嘅粟米汁好吸引班塊大大件好有質感，炸皮好薄肉質鮮嫩，不錯吃的以尼個價錢食到咁高質素，再配上海景，性價比非常高，推薦比大家試試啊