Aussie Grill by Outback (已結業)

嗰日行葵廣經過咗呢間burger店，係outback嘅副線，本身就係outback fans嘅我當然要試吓啦。我分別叫咗一個脆蝦意大利包同醬燒牛肉漢堡，再加多杯凍朱古力，因為outback VIP依家有優惠可以送嘢飲先講杯嘢飲，有少少失望因為真係太淡，而且佢一啲都唔甜，朱古力味又唔係好夠，所以下次都唔會再嗌。至於兩個包反而有啲驚喜，同埋性價比好高。大概$100多啲啲，就有一個包再加一個配料，配料可以揀炒飯薯條沙律等等，脆蝦包有少少辣，個意大利包好有牛油香好好食，至於個將燒漢堡同平時牛肉漢堡有啲唔同，因為佢除咗有漢堡扒之外仲有一塊燒牛肉，配搭得非常之好，醬料都好香，至於配菜我覺得同outback差不多冇乜分別，正常水準，鍾意食漢堡嘅你哋唔好錯過。