Out of Office (已結業)

近日WFH又唔想成日留喺屋企做野，就揾D可以坐得耐嘅cafe食個lunch，喺個chill chill地嘅環境下飲住咖啡做野☕。呢日物色到土瓜灣內街一間cafe，全間餐廳寵物友善🐶，見到唔少可愛嘅毛孩心情都即刻靚左，水泥裝修走工業風，沙發座椅舒服得帶點慵懶嘅感覺🛋️，帶埋laptop嚟做野一流。🍳蕃茄香料芝士北非蛋💰140⁡菜式味道豐富鮮明，孜然蕃茄香味最為突出，微辣香料層次豐富，雞蛋呈流心狀態富蛋香，配上芝麻香有嚼勁嘅sourdough絕對會令你一啖接一啖食唔停👍🏻🚗 小店對住一排咪錶，等唔到都唔緊要，值得一讚抄牌時店員會通知食客，就算坐得入少少望唔到架車都唔洗擔心。小店附近好多車房，無諗過呢度會開間咁chill嘅cafe，食物質素同環境都好有水準。除左沙發之外仲有兩個大豆袋，雖然呢個高度配矮桌食起野上嚟有D狼狽🙇🏻‍♀️，不過挨喺度做野又真係幾舒服，呢日都見唔少人拎埋電腦嚟💻，weekend就應該會多人D啦！-Out of Office @ooo.coffee 📍土瓜灣美善同里8號美怡大廈地下1-3號舖