只好去雙喜買我想食嘅叉鵝飯.....係門口有個亞叔幫我落單, 跟住叫我係收銀比錢....等緊其間已經有少少後悔因為見佢地啲嘢都好污穢吓...
但係自己又想食燒味飯, 唯有當見唔到...
當個亞叔攪掂比個飯盒我時, 我問"請問有冇酸梅醬?" 跟住係一秒嘅時間內, 個收銀(即老板娘), 用一個好差嘅語氣大聲咁話"你個咩嘢飯呀?" 語氣完全係好似我想貪佢包酸梅醬咁!
佢係用則問咁嘅態度, 所以我係一句都冇啋佢...!個亞叔即刻答佢"叉鵝飯", 跟住佢就又即刻話“包咗係入面啦!" 你知包咗係入面又問我咩嘢飯?! 都當人傻... 根本就冇比到..個亞叔都冇理佢, 開返我個袋放返一包酸梅醬落去...我連跟飯盒嘅湯都話唔要, 會唔會貪心呃你包醬呀!?
其實都知呢間嘢個老板娘衰, 因為亞媽之前都係幫襯佢地斬料, 但係都頂唔順佢啲態度,貼錢買難受咁...所以都情願行入啲幫襯晶苑, 我只係估唔到自己第一次係佢度買飯盒, 就即刻領教佢啲嘢, 下次就算要返屋企煮公仔面都唔會幫襯佢!
BTW 佢啲燒味就一般, 你唔會話難食但係又唔會話好食...同埋唔知係咪買飯盒, 佢比嘅叉燒好乾柴吓....
