大卡司 (登打士街) (已結業)

珍珠奶茶、泡沫紅茶等等既台灣特色茶飲，一直近乎係台灣人們生活中“必須品”。以新鮮、方便、味道獨特等特色風靡全球。就算係旺角登打士街都有近十間珍珠奶茶店，今日見到又有一間開張，叫大卡司，上網check check,原來其名字的由來是一個借電影的製作班底的音譯(雖然心都係咁諗，不過求証。。。)這店源起於台灣，大陸都有很多分店，但我真係第一次聽！店員們在店外大派傳單，勁推珍珠奶茶，話好正，話茶葉靚！我就點左珍珠奶茶，朋友點左仙草奶茶，不過可能新開，我前面有廿幾個order,都等左半個鐘，睇見有4個店員在沖嘢，唔係好明，但新店就算啦～奶茶茶味真係好夠濃，同貢x同share x一好唔同，唔會一味得奶味，唔會太heavy. 珍珠係透明色的，唔係黑色的，唔會一路飲一路驚，仲要夠矖彈牙又多軟，仲要唔太甜。 朋友杯仙草凍奶茶唔夠仙草凍，很難先吸到，希望有關人仕睇到，平衡返個份量～街頭行到街尾都係台式飲品店，一星期每日飲一杯都飲唔矖，唔知大卡司可在這飲品市場既奧司卡屹立呢！