阿里郎熱狗棒 (已結業)

去開旺角都總係會見到依間韓國人氣熱狗棒專門店Arirang Hot Dog阿里郎熱狗棒。如果大家路經，相信都會俾佢新嘅Oreo系列產品吸引左視線而想挑戰一番。雪糕配Oreo吉拿棒，牛奶雪糕奶味超香濃，質感幼滑，配埋已經曬上嘅Oreo碎，食落就更香口。熱辣辣嘅吉拿棒(西班牙油炸鬼churros)，即叫即炸，咬落係外脆內煙韌 ，同雪糕一凍一熱咁食，簡直係冰火交融。Oreo芝士拉絲熱狗棒，見到個樣都覺得好邪惡，成個熱狗外層都裹滿砂糖、Oreo餅乾、煉奶，本身以為食落一定會好甜，點知其實甜度都只係4分至5分左右。內裏包住嘅水牛芝士，拉絲嘅效果好明顯，一甜一鹹，出乎意料之外居然味道好夾仲幾好食。