OPPA韓國燒肉店 (已結業)

食了一間韓式燒肉放題門口，裝修都唔錯，一入黎侍應就問我們食邊種放題，一種係236不包括飲料，一種係3xx，包括所有飲料.咁我同太太就選擇左236果種，一走進來 看見四邊牆嘅壁畫，十分靚同有心思。之後坐低侍應就上咗個燒肉拼盤， 拼盤裏面呢就有六種唔同部位牛肉， 有黑毛和牛脷， 黑毛和牛三角腩， 澳洲和牛封門柳， 加拿大牛排骨， 無骨牛肋肉， 仲有澳洲和牛下腹腩， 以上就係拼盤裏面有嘅肉， 另外鐵板裏面已經有一底嘅泡菜蛋捲， 見到都已經流曬口水。 壽星牛脷同埋三角腩先攞去煎， 煎出嚟嘅油分十分之香， 呢啲牛呢唔可以轉到十成熟嘅， 煎到七八成熟就可以， 食落口十分美味。 跟住呢我哋就點咗兩個鍋， 一個呢係人參雞湯鍋 一個係真露蜆湯鍋， 呢兩個喎呢都好好食， 跟住食到咁上下，個泡菜蛋捲呢差唔多食得。我超鍾意食呢個泡菜蛋捲， 跟住仲有嗌多兩次 另外呢我哋仲點咗其他嗰啲小食呀有牛油粟米啦雞肉啦五花腩啦豬大腸啦豬頸肉喇，都好好味， 侍應上菜嘅速度呢都算快嘅， 同埋呢我覺得呢個啲食物呢都幾新鮮， 下次都可以再嚟食過， 今餐真係食得非常之飽好滿足。