OPPA韓國燒肉店 (已結業)

最近燒肉癮又發作，所以就拉埋朋友嚟到呢間韓國燒肉店幫襯，好彩餐廳地方夠大，唔使點樣等就可以入得去開餐。餐牌都有幾多唔同種類嘅燒肉套餐提供，熟成和牛拼盤相當吸引，食肉獸嘅我又點會放過呢個機會 🤤 另外仲叫咗其他嘢食。落完單冇耐侍應就上韓國配菜，每碟配菜份量都好多。熟成和牛拼盤 ($450) : 拼盤有 M7 和牛頸脊、熟成西冷同熟成澳洲和牛肩肉，影完相就唔客氣 🤤 即刻放上鐵板開餐，熟成肉口感比傳統做法更加軟嫩同多汁，真係會越食越愛。100g 和牛 ($128) : 和牛拼盤唔夠喉，所以再叫多一碟。😋海鮮大醬湯 ($78) : 非常足料嘅大醬湯，有魷魚、大蝦、豆腐、魚卜等等，大醬湯味道非常濃郁，自己同朋友都覺得非常正。