九點幾去到，平時都見到有啲人喺度排隊買小食，可能太夜嘅關係，店舖入面一個人都冇除咗一個Uber ,原來或今天晚上大部份嘅食物都售罄啦，睇到牆上介紹左好多韓式小食，圖文並茂覺得好吸引有韓式炒粉絲、魚串、牛肉鍋、炸餃子、血腸……等等。除咗小食之外，呢度仲有賣手工便當呢，都係一個幾唔錯嘅午餐選擇。
由於太夜嘅關係，好多食物都賣晒啦，只係剩返三個原味飯團，其他嘅味道好似芝士、吞拿魚、同魚仔都全部售罄啦。因為肚餓嘅關係，所以就買一個試下先，飯團包得好紮實，呈一個圓形嘅狀態，放在暖櫃內保持溫度，呢一點真係好貼心，值得一讚。飯團嘅材料 都係一般嘅粟米芝麻紫菜等，美都好有家嘅感覺，希望下一次可以試吓其他小食啦。
