One Restaurant

营业中

休息中

今日真係可能係我生平第一次黎深井，山長水遠黎到，就係為左食食食。喺市區坐巴士入去深井都好方便，係車程耐啲啫。落車之後，行一陣過一條馬路就到餐廳One Restaurant，唔難揾。午餐餐牌包麵包，沙律同餐飲。主菜有6款揀，有意大利飯或意粉，同幾款主菜。可加錢升級餐飲。有加一服務費。跟餐麵包係香草蒜蓉包，香草同蒜蓉味道都好濃，外皮少脆，味道質感都唔錯。跟餐沙律都幾大份，係新鮮沙律菜，加啲車厘茄同洋葱片，仲有松子，芝士粉同黑醋，味道唔錯。日本水飼豬安配薯菜或扁意粉 $158 另加一連骨豬安整得好好，少少脆皮而肉汁豐富，豬味濃，面頭加上黑醋。我哋揀左配薯菜。伴碟薯條係好幼身，熱辣辣炸起，好脆，仲體貼跟一碟茄汁上枱。烤蔬菜有椰菜花，迷你梛菜仔，青瓜同菇，味道唔錯。芒果冰沙 加$35 另加一我地加錢升級餐飲。芒果冰沙超大杯，味道天然唔假，上面仲有少少芒果肉，好好飲。松露薯條 $78 另加一另外點左份小食。松露薯條一大兜，都係超幼身，加左適量松露鹽喺上面，味道唔錯。裝修唔錯，有室內同室外座位，周圍都係聖誕裝飾，好有氣氛。