德記潮州菜館

晚上7點15分左右去到問一個人有無位，做帶客嗰位5-60歲男服務員話要等一陣，然後我就話ok，可唔可以去個廁所先，行入都見到係多人食嘅，但係仍然仲有枱係無客坐，去完出番黎繼續等，陸陸續續見到幾組2-4個人嘅客walk in入黎基本上直接有位，再等多陣我都唔記得係佢主動出聲定係我出聲，總之佢問我一個人食小菜定係食餐，我話食餐，佢下一句就話：食餐阿？繼續等啦，我安排唔到位比你，我差啲都爆粗鬧佢，一個人黎一定要食小菜先有位？兩個人就唔理佢食小菜定食餐？咁拿大間餐廳洗唔洗咁樣做生意阿？唔歡迎一個人嘅客？一個人自己食完拿拿林走啦，兩個客叫一個餐兩分慢慢食慢慢吹水你唔死？

唔歡迎獨行客都算啦，你咪一開始講到明囉，唔好要人等左成20分鐘再同人講點點點，再要人等落去，on8+1再比多次機會你玩我？將心比己啦，洗唔洗做到咁，一個半個客都容納唔到，好失望，以前係哩頭做野食過唔少次，覺得味道唔錯，咸檸七好飲，價錢合理，仲推薦過同事黎食，諗番起都覺得on8+1，好失望，以後都唔會再去，大家自己睇路。