神川日本料理 (已結業)

慶祝男朋友生日，專登揀間佢最鍾意食嘅日本野，但平時試過太多放題、丼飯之類，所以就決定揼本試下一直好想食嘅廚師發辦お任せ。諗住要使好多錢啦，點知俾我搵到呢間比較平民化嘅西環小店，比起起碼一千開頭嘅壽司舖，呢度幾百蚊就有交易啦。師傅好細心，一早打黎問有啲咩想食或者唔食，到左個日會因應有咩新鮮食材而調整菜單。終於去到期待以已久嘅大日子，估唔到有咁多款菜式，前前後後起碼有十道，有刺身、壽司、卷物、沙律、小食、甜品，十級滿足！