一郎 (已結業)

第一次嚟呢度食午餐，一點鐘其他地方都要等位，但係呢度就有好幾張吉枱，本身都有啲擔心中伏，不過最後覺得味道都可以，但係有一位中年女服務員態度就唔係太好，不過算啦，小店都唔係靠服務。今次叫咗白郎君，即係最基本嘅豚骨湯底，要咗軟身嘅面。我個人認為呢度嘅叉燒比較似火腿，完全唔係日式叉燒，個人有少少失望因為我唔係太鍾意火腿。另外我覺得呢度嘅拉麵湯比較少，我食到一半已經幾乎無曬啲湯，好似變咗拌麵咁。不過要講下嗰隻溏心蛋，好入味，好好食整體嚟講不過不失，喺隻蛋做得比較出色，你話會唔會返轉頭下次再食，就未必囉。