古今 (已結業)

食過觀塘嗰間古今幾次, 覺得都唔錯, 尖沙咀呢間都keep 到食物水準。, 好食。好少會寫食評, 但當晚服務的確令我唔知點反應好。 首先我地張枱隔離係一張靠牆四人枱, 貼到實一實, 當隔離枱埋單走時, 店員要收拾佢地枱嘅野要橫誇我地枱, 除非我地企起身讓個位比佢執野, 其實我地唔介意, 但店員完全無開過口問/ 請我地讓一讓位, 要我同朋友自己食食下飯出去食煙等佢執枱, 希望下一次編排book 枱位置會好啲。另外, 亦希望店員可以一係戴返個圍裙一係攝返件衫入條褲, 因為當晚送菜上枱嘅時候店員件恤衫邊邊係咁hi 到我地枱嘅食物, 店面比較細小我明白理解, 所以希望呢方面都可以顧及到。 到最後另一店員有同我地道歉返招呼不周, 所以其實明白店舖都係無心之失。 但整體食物味道各樣的確好食, 不過下次應該會去返觀塘古今二了。