十十川滬料理 (已結業)

這店喺旺角朗豪坊嘅food court裏面，最入個位置。店舖係以QR code落單，食上海加四川菜。價錢中上，碟頭不大。尖椒皮蛋，正正常常寫住係招牌嘅酸菜魚小籠包，味道奇怪，好似酸酸叔叔又腥嘅小籠包咁，真係唔識欣賞（本身極度鍾意食酸菜魚），但係同行嘅友人好欣賞，只可講百貨應百客。叫咗一個牛肉乾窩，本身大約係$168 ，配料要逐樣加錢，呢一碟係250咁上下。呢碟係額外加多300克牛肉的了，但真係唔多肉，唔知佢原先係咪得100克，啲牛肉質地極度奇怪，好似有一層好厚嘅粉咁樣，薯條係指定左嘅配菜，包咗嘅，都係極度唔襯，好似唔識煮嘢嘅人求其將啲嘢煮埋一堆咁。腐竹薯粉都係額外加，真係唔知原本冇額外加嘢，碟嘢百幾蚊有幾多分量。只可以嘆句通貨膨脹銀紙貶值吧。服務ok ，雖然人手都唔係好足夠，但係都會主動加水，一見到你叫佢都會即刻過嚟。總結：性價比不高但又不是伏，一試無妨，二次無謂。