MX (馬頭涌道) (已結業)

MX快餐好多地方都有，我成日都要出街食飯，間唔中都會幫襯下MX快餐。呢日就喺土瓜灣MX食下午茶。下午茶嚟講選擇唔算多亦唔算少。最後我決定叫咗個燒鴨瀨餐，除咗燒鴨瀨仲有一杯餐飲，今次就揀咗熱咖啡，成個餐$29。燒鴨嘅燒鴨皮都幾脆身，肉質嫩得嚟都幾juicy, 整碗燒鴨瀨嘅味道都唔錯。熱咖啡，係滴漏咖啡，味道濃郁，我自己就覺得幾好飲。總括嚟講，呢度都坐得幾舒服，食物味道唔錯。呢個下午茶餐都只係$29，又真係幾抵食下。