小火焰韓式咖啡廳 (樂富廣場A區) (已結業)

嘩嘩嘩，有大大個人像喺餐廳門口，可以去打卡呀😍門面又大，唔會阻到人出入，爽😝行過啲仲有多個打卡位，啱晒大家啦。入去其實仲有左邊轉彎位，餐廳好多座位，lunch hour 都唔怕排好耐餐廳環境舒服，座位闊落，多數都係卡位。餐牌方面，款式眾多，而且大部份菜式都可以追加小食，奉送咖啡或茶，好抵食有拌飯、咖喱飯…價錢方面，每人平均消費都係大約$100左右。今日兩個人食，叫咗個味噌豚肉鍋。平時食韓式豚肉鍋都係辣嘅，今次第一次食味噌味，感覺好特別，比起平時冇咁濃味，清淡啲，而且配料上都會比較多，有芽菜、冬菇等等。食唔到辣嘅朋友強烈推薦呢一個。炸豬扒蕃茄湯烏冬，豬扒炸得好鬆脆，蕃茄湯底都好濃郁下，而且粟米係選用新鮮粟米粒小食追加，芝士餡餅嘅芝士份量都好多吓，但係芝士味比較淡再加多個蜜糖芥茉炸雞鎚，差啲食唔晒，又話太飽。講返個雞鎚，雞鎚其實眼見都見到炸得好脆，內裏肉質鮮嫩，配埋蜜糖芥末醬，頂呱呱。