十一點七八到啦我諗
熊貓嗰道一排全部都係餐廳
就呢間最多人食 所以就食呢間啦
叫左兩個午餐
雙色蛋包飯 個份量好多
味道係ok既 保險之選 哈哈好少會難食其實
咖哩唔辣 小朋友食都冇問題
如果一大一細食就岩岩好
飯係需要跟返個汁食
唔配汁就略淡 不過本身設計應該都係要跟汁食既
貌相同餐牌係符合既 就只差在冇抹碟邊
令成件事頹左哈哈
雖然味道可以接受 但雞既質感就麻麻地
偏乾同硬 雞份量唔多 但唔算好食所以都ok
呢個飯跟左個黑色既汁 唔知咩黎 有少少酒味咁
個飯ok 唔會太多油太膩
跟左薑蓉 幾正 唔會太鹹
但個雞都係麻麻地 唔知係唔新鮮定咩問題
總之就係麻麻
跟餐係可以無限斟野飲/一罐罐裝飲品
我就跟罐裝飲品 好似衛生啲
坐低無耐就愈黎愈多客
身邊個侍應好搞笑 每次經過身邊都聽到佢嘆氣
服務就不過不失既 離遠見你有意食已經為你帶枱
總結各樣野都唔係差 但都唔係值得表揚
有潛力做得更好
