明將迴轉壽司餐廳 (已結業)

佢個午餐係包埋jelly o既, 好似好抵食咁啦。但我地兩次去到都要勞煩o的侍應大哥大姐們俾支食茶匙我食，佢地真係好有sense!第一次食已經好攪笑, 個waiter 話無晒鐵匙，醒左幾支湯匙我用。第二次仲大鑊，第一次叫個waiter就耍住你先，就無左回事。跟住叫個waitress，我地三個人三個餐，佢就施捨一支匙俾我個friend。然後再叫呢位大姐俾多兩支就面都黑埋，跟住俾左兩個有飯粒o既湯匙俾我地，唔知係咪想陰我地。叫佢再搵匙就發晒脾氣，丟o的湯匙去個盤車。好彩第一個waiter都無耍我地，隔左十分鐘都記得我地好需要o既匙俾我地。thank you very much! o的jelly好食到ar~講番o的餐先，價錢尚算合理，不過將貨就價。睇落好似好大件囉!壽司種類唔算多，試過有三文魚、鰻魚、八爪魚及油甘魚等款式，不過不失啦。我已經俾左一次機會佢地for poor service，我已決定永不光顧，直至銀河系消失為止。