影片
更多
2012-07-28
50 浏览
今朝(28-7-2012 Sat)一早醒ｏ左,由於要買餸,就唔好再懶床起身梳洗出去食個早餐吧,因為有美心$2.00 coupon,所以o黎美心.ｏ黎到睇睇餐牌,西式早餐要$26.00,食物又唔吸引,想走o既時候就睇埋中餐,有$21.50ｏ既粥餐,但冇寫明係咩o野粥,問問吧.行到去收銀就問佢有咩o野粥?收銀答有雞絲同豬骨粥,咁我揀雞絲粥同三絲炒麵,要凍奶茶,畀埋張券收銀收我$22.50.原來凍飲要加$3.00,同大家樂一樣.拎完o野食搵到個位坐低後開餐,我碟三絲炒麵唔大碟,而ｏ岩ｏ岩同枱另一個客一樣係食三絲炒麵,但佢ｏ個碟多過我.照食吧,先食三絲炒麵,淡而無味,三絲係咩o野呢?紅蘿蔔絲,椰菜絲同……蔥段?火腿絲同芽菜都冇,我覺得有點兒那個.而粥呢,同樣係淡茂茂,我想出去問佢ｏ地攞鹽,但諗諗吓,算吧,當清清地啦,而內裡都有兩條冬菇絲ｏ既至於凍奶茶,呢個中規中矩,冇大問題.服務:比之前好好多,收銀同掃地亞姐都好有禮貌.環境:冷氣唔係好夠,櫈大大張係木櫈.,原本係好,但原來我食粥餐,對手自己撐得好開,手踭就撞到隔離張櫈o既櫈背.即係話,櫈同枱ｏ既長度係唔配合.其他:之後原來同我同枱o既客人重有
ｏ黎到睇睇餐牌,西式早餐要$26.00,食物又唔吸引,想走o既時候就睇埋中餐,有$21.50ｏ既粥餐,但冇寫明係咩o野粥,問問吧.
行到去收銀就問佢有咩o野粥?收銀答有雞絲同豬骨粥,咁我揀雞絲粥同三絲炒麵,要凍奶茶,畀埋張券收銀收我$22.50.原來凍飲要加$3.00,同大家樂一樣.
拎完o野食搵到個位坐低後開餐,我碟三絲炒麵唔大碟,
而ｏ岩ｏ岩同枱另一個客一樣係食三絲炒麵,但佢ｏ個碟多過我.照食吧,先食三絲炒麵,淡而無味,三絲係咩o野呢?紅蘿蔔絲,椰菜絲同……蔥段?火腿絲同芽菜都冇,我覺得有點兒那個.
而粥呢,同樣係淡茂茂,我想出去問佢ｏ地攞鹽,但諗諗吓,算吧,當清清地啦,而內裡都有兩條冬菇絲ｏ既至於凍奶茶,呢個中規中矩,冇大問題.
服務:
比之前好好多,收銀同掃地亞姐都好有禮貌.
環境:
冷氣唔係好夠,櫈大大張係木櫈.,原本係好,但原來我食粥餐,對手自己撐得好開,手踭就撞到隔離張櫈o既櫈背.即係話,櫈同枱ｏ既長度係唔配合.
其他:
之後原來同我同枱o既客人重有朋友o黎,於是我坐到另一張只有一個客人o既枱,佢食完走ｏ左,到另一對帶住約一歲小朋友ｏ既夫婦ｏ黎,女ｏ既幫男買ｏ野食,佢ｏ地ｏ野食到齊後,男ｏ既話隻蛋咁細ｏ既?咁個黃咪重細?我心諗,美心可能為客人著想,唔想客人食咁多蛋黃啊.
张贴
