Bespoke (已結業)

星期日中午去呢間餐廳諗住食個快慨。一去到，無咩人，餐牌上只有咖哩雞飯或烏冬，廚師沙律同Pesto雞肉意粉。無得揀，唯有一個咖哩雞飯同一個Pesto雞肉意粉。飯，硬到似石頭，仲要成餅野咁，要用較剪剪開先放得入口，食到牙都痛。咖哩雞，老公話7仔都好食過佢，一pat野咁，啲配料完全分唔清，好似隔咗夜咁。唔出奇。Pesto意粉，意粉係超硬，啲雞肉有陣雪味，好過份，算啦$88唔係貴，算。如果未食過Pesto醬嘅人唔知咩係pesto，會一世都唔食。冇香草香味，只係好油好油。最過份係杯mocha，只有朱古力味無咖啡味。由佢開張以嚟一直幫襯，以前最喜歡佢肉醬意粉同粟米湯，儲滿十幾張stamp card，但質素越來越差，服務態度又越唔好。持續係咁，真係請我都唔會到。