影片
更多
2008-07-09
22 浏览
又到灣仔飲茶, 上次0個間 (http://www.openrice.com/restaurant/commentdetail.htm?commentid=1912742) 又迫又唔好食, 今次一行 6 人訂定檯到遠少少的呢間. 今次主要食點心, 食物比上次0個度好, 亦比上次好坐:- 豬腳薑 (!): 除0左貪得意之外, 叫呢個的另一原因係想俾美國同事試試呢類 lonely planet 唔會介紹佢0地食的 Chinese food d 汁幾好食, 甜甜的, 唔辣, 好對口味; 豬手一般「膠」一般腍, 不過好入味, 不錯; 無食到 d 薑, 不過同事話「好老」, 相信好辣?- 由於 d 汁實在不錯, 用了蘸白灼菜心吊吊味, 哈哈.- 煎蝦米腸: 賣相似煎米糕多 d, 似乎係將蒸好的蝦米腸成餅掟入去煎... 餡料唔多, 不過煎得都幾香口, 又帶點米香, 蘸上甜醬, 味道可以.- 煎蘿白糕: 呢個好唔得, 賣相味道都應該叫「油浸淡口米糊」, 腍腍爛爛好難吃 -_-" 另外d 麻醬甜醬唔知點解有一層熟油0係面, 完全蘸唔到.- 牛柏葉: 好耐無食! 呢度的好爽口, 幾惹味
- 豬腳薑 (!): 除0左貪得意之外, 叫呢個的另一原因係想俾美國同事試試呢類 lonely planet 唔會介紹佢0地食的 Chinese food d 汁幾好食, 甜甜的, 唔辣, 好對口味; 豬手一般「膠」一般腍, 不過好入味, 不錯; 無食到 d 薑, 不過同事話「好老」, 相信好辣?
- 由於 d 汁實在不錯, 用了蘸白灼菜心吊吊味, 哈哈.
- 煎蝦米腸: 賣相似煎米糕多 d, 似乎係將蒸好的蝦米腸成餅掟入去煎... 餡料唔多, 不過煎得都幾香口, 又帶點米香, 蘸上甜醬, 味道可以.
- 煎蘿白糕: 呢個好唔得, 賣相味道都應該叫「油浸淡口米糊」, 腍腍爛爛好難吃 -_-" 另外d 麻醬甜醬唔知點解有一層熟油0係面, 完全蘸唔到.
- 牛柏葉: 好耐無食! 呢度的好爽口, 幾惹味, 不錯.
- 蝦餃: 澄皮未至於晶瑩剔透, 但做得薄薄的, 煙煙韌韌; 餡料就淨係得蝦, 份量夠亦爽口, 不過少咁 d 筍, 感覺差了.
- 燒賣: 呢個同其他地方的差不多.
- 山竹牛肉: 100% 粉團, 唔食好過食, 另外0急汁離奇地淡淡的.
- 流沙奶黃包: 其實好難會難食, 不過睇到有食評讚佢好, 所以叫0黎試試, 點知我0地的完全唔流沙, 原來係流0野!
- 珍珠雞: 幾的骰, 餡料幾少, 糯米混上白米, 食落煙韌有咬口, 又帶點荷葉香, 對口味.
另外仲有潮州粉果及叉燒包, 不過太飽, 無食.
環境闊落好坐, lunch hour 0黎講人客亦出奇地少, 衛生可接受; 招呼就無特別.
埋單約 $60 一個頭, 比上次貴 $10, 但食物比上次好, 合理抵食. 飲餐舒舒服服味道又唔錯的茶, 呢度都係一個幾好的選擇, 笑面照俾啦.
张贴
