星泰真味 (已結業)

話說今日瞓到兩點零先起身，個肚打晒鼓。又想出街食下下午茶。於是就去咗大埔超級城搵嘢食。待自己其實好怕星期六日放假出街。因為啲人多得恐怖。特別而家疫情下啲人困獸鬥留晒係香港。見呢間食店唔算好多人。於是就入去叫份下午茶嚟食。最後叫咗香茅雞翼撈檬。以為佢唔算多人出餐會好快啦。點知都要等左十分鐘。先講用嚟撈檬個汁。勁甜，而且個樽啲汁漏到周圍都係。係疫情之下如果每個客分返開獨立細樽感覺似衛生啲。檬嘅分量算少，食完唔夠飽。以咁嘅價錢下午茶都食唔飽又好似唔太合理。