Niksen Koffie (已結業)

平時好少來黃埔新天地食野,今次發現呢頭好多好野食,而呢間店超正!地方好多好寬落,同埋好有私人空間。我同朋友叫左D野食來分享。原隻龍蝦尾意大利飯超正,龍蝦肉燒到好香,而意大利飯面頭好多蟹子,勁CREAMY,龍蝦肉真心新鮮,唔係冰凍左好耐果D,所以好彈牙。店員推介牛油煮蜆,佢話今日既蜆唔錯,就點左一份黎食。真係好新鮮好多肉,牛油煮成既汁超正,個麵包又好正,脆脆地,好味道!而最後既甜品係香印提子芭菲,有雲尼拿雪糕,有好多脆米,裡面仲有好多MOCHI同埋少少JELLY,真係好多層次,個拿破倫好出色,好酥脆。正呀!飲品叫左焙茶牛奶,焙茶好濃味!正!而朋友話烏龍茶回甘。呢度既店員有禮,服務周到。