Plaa (已結業)

中環泰國料理fine dining，以魚類同海鮮食主打，配合泰國特色蔬菜同香料，做出不同創意美食。而且tasting menu仲會每幾個月就轉換一次，務求推陳出新，令客人保持新鮮感。✨Guai Tiao Ruea 鮑魚爽脆有咬口，配搭濃郁鮑魚肝醬，鮮味十足。泰國野生蘑菇配上醬汁同樣美味。✨Nam Prik Kapi青花魚煎得香口，配上傳統泰式醬汁，帶有辣味、青檸味同蝦醬味，味道非常香濃得黎又帶點清新。✨Gaeng Som瀨尿蝦肉質爽口彈牙，鮮甜味足。配上增添泰式風味嘅酸辣魚湯，惹味又開胃。面層再加上烏魚子，增添整體鮮味。✨Neua Massaman和牛面頰肉油花同肉汁豐富，口感軟腍，牛味極濃。本身已經夠吸引，配上香滑帶點微辣嘅咖喱醬汁更惹味。羊肚菌口感脆嫩，菇菌味香濃。✨Mamuang Hao Manao Ho用上刺黃果製成雪葩，係平日比較少食嘅水果，冰凍酸甜好醒神。再以茉莉花製成一層「雪花」，整體香味再多一層次。