森戶 (官塘立成大廈) (已結業)

成日去觀塘都好少入裕民坊，前排就去咗呢到嘅森户同朋友食晚餐。選擇都好多，有飯有壽司仲有Omakase。我就食咗個壽司拼盤，朋友就食咗個蒲燒鰻魚飯。餐廳好安靜，好適合傾偈。壽司拼盤 $228有十件，乜都有啲好豐富。吞拿魚三文魚唔少得，仲有我最中意嘅三文魚子、蝦（好甜！）同大大粒帆立貝。蔥吞拿魚茸好香油脂味，白身魚油甘魚同其他魚好新鮮。蒲燒鰻魚飯 $138碗飯都好大，日本米粒粒分別又煙韌。我見條魚都好大條，燒完嘅顏色都好靚。我本身唔中意食鰻魚冇試到，不過朋友話魚好新鮮好滋味！