The Upper Deck (裝修中)

Upper Deck係其中一間我bookmark左好耐嘅餐廳，但太遠啦，所以一直都未去試。難得今次去亞博睇演唱會，咁可以順便黎呢度食個early dinner。因為係Openrice訂位可以有85折，所以我地早一日 book左5:30pm，不過我地早左約4:45pm到，入座嘅時候經理話我地早左到所以可能冇折扣，不過最後埋單嘅時候都有俾到85折我地。一入到餐廳就見到好開揚嘅海景，雖然計埋我地只有3枱客，不過餐廳中間有張桌球枱，有啲人係度打緊，都好開心、好有feel！我地兩個人，叫左Wet Age Prime Rib Eye 10oz Medium Rare, Pappardelle同一杯draft beer。Prime Eye好好味！生熟度岩岩好、夠淋、冇筋、好有牛味，有少少炭燒味但完全唔會遮蓋到牛味而且唔會乾噌噌，非常juicy！(我好失敗竟然掛住食冇影到相😭😭)Pappardelle都非常滿意，麵身夠硬夠煙靭、醬汁足夠亦好掛麵。2個主菜＋1杯啤酒(85折後)=$7XX如果大家經過開東涌定推薦大家試下，或者試下呢個商場嘅其他餐廳，聽東涌朋友講其他餐廳都好味。