Food Garden ETC (已結業)

今日又同阿姐搵間好野食下！今日黎左 D2 place，好耐冇行咁遠！好在訂左位，唔係等位就煩！入座後爭取時間叫野食，每人叫個餐share黎食！阿姐今日想似湯，南瓜湯！佢話好香濃，飲到好多南瓜纖維！唔錯！仲好滑 ❤️而我今日好想食沙律，可能行過黎果陣太急！好熱...唔想飲熱湯 🤣 沙律菜好新鮮，仲唔少藜麥！好健康❤️食完係耐就黎個主菜，我今日好想食意粉，見menu個龍蝦意粉都幾抵食！黎到個樣勁驚喜！諗唔到佢會有半隻上，即刻放面書扼下like ❤️ 我個人對波士頓冇咩好感，但呢間唔錯！龍蝦新鮮，蝦肉爽口唔霉 👍🏻 蝦身勁多蝦膏，我拆佢落黎撈意粉邪惡度爆燈 🤩 個意粉索哂汁，蝦味勁濃 👍🏻 意粉唔會過硬或淋！唔錯 ❤️另一個餐我地點左豬鞍，呢個細件左少少，又或者隻碟太大🤣🤣 但味道唔錯既！豬味夠 ～ 反而覺得佢配既汁唔知有咩用🤣 大廚好貼心，側邊配酸菜解滯👍🏻 但如果呢個配薯條會開心好多！最後以一杯鮮果冰茶同凍檸茶作句號❤️