意蠔屋 (已結業)

大圍西餐廳感覺唔算多，意蠔屋價錢及食物質表都可謂佼佼者。布局一般，而且有啲逼，座位唔多。晚餐有成本menu選擇，不過自己食左幾次都係揀dinner set；無他，價錢幾抵包嘢飲（雖然奶茶似奶水），最重要係材料唔錯。有時都幾怕叫芝士菜式，並不是我唔鐘意食，而係因為通常都好少芝士，令人失望。不過意蠔屋就有啲唔同，dinner set個個都以芝士作主打，份量仲好足，一定滿足到cheese lover。今次叫芝士菠菜雞柳飯。由於係即整的關係，上枱熱辣辣，最正係芝士鋪滿飯面，白汁夠多可以拌飯食。此外飯粒分明，菠菜多兼新鮮，雞肉份量足，味道正，大滿足! 假如嫌太“漏”，可以考慮叫芝士蕃茄豬柳飯，芝士及餸都夠多，但有茄汁中和，亦非常美味。