日。 廚師發辦 (已結業)

等咗好耐終於食到omakase ， 呢間我覺得唔錯嘅。 壽司同刺身中間會有其他菜餚夾雜下冇咁悶。 然後最鍾意係佢個蟹肉飯， 蟹肉土鍋飯有拆咗肉嘅蟹啦，蟹膏，蛋絲，三文魚子等等。 可能係用鍋所以最底有少許飯焦，但我係十分鐘意嘅，佢令到個飯有層次感， 而且佢哋揀嘅蟹蟹味幾濃。 之後都好鍾意佢哋嗰啲天婦羅， 同出面係有啲分別嘅， 唔會好油亦都唔會好乾。 有啲蔬菜同埋其他嘢， 外面脆卜卜但裏面仲係多汁。 好似唔會好油嘅原因係特別落少咗麻油，所以就唔會自己bid油出嚟。 下次希望天父囉有得食其他嘢啦，例如炸蝦咁樣，期待新menu。